اؤلکهميز تخمين اً ۴٠ ايلدير ايسلام جومهوروسونو ظولوم و حؤکمرانليغی آلتيندادير. بو گون، بير حالدا کی بوتون ساحهلرده ايران اهالیسی آزادليق، قورتولوش و اؤزحاقلارينی الده ائتمک اوچون موجاديله ائتمکدديرلر ،بيز بير قروب جريانلار، تشکيلاتلار و سياسی پارتييالار موختلف ايجيمايی گؤرلوش و فرقلی سياسی کئچميشلريميزله آشاغیداکی آنلاشيما اوزره اورتاق امکداشليغا باشلاميشيق. بيز بونو بير باشلانقيج نوقتهسی کيمی داها بؤيوک بير اتفاقا دوغرو بير آديم کيمی گؤروب و بو يولدا اليميزدن گلديی قدر چابا و چاليشيم گؤسترجييک. بيز ايراندا دئموکراسی، جومهوريت و فئدئراليزمين
قورولماسی، تولئرانتليق، پلوراليزم، دينين و دؤولتين اينسان حاقلاری نيظامنامهسينه اساسلاناراق بير بيريندن آيريماسينی، بوتون ايسپئکترلرين بيرليکده ياشاماسی و دئموکراتيک سياسی تئندئنسييالارين مؤوجودلوغونا داير گئنيش بير اتفاقين ضرورتينه اينانيريق. بيز ايراندا مدهنی و دئموکراتيک حرکاتلارين دوامی و گئنيشلهنمهسينه و اينسانلارين موباريزهسينه دستک وئرمه ضرورتينی گوجلو وورغولاياراق، بو آنلاشمايا اويغون اولان طرفلری، قوروملاری، تشکيلاتلاری و دئموکراتيک جومهوريت حرکتلرينی دعوت ائديريک و ايسلام رئسپوبليکاسينی دئويرمک اوچون بيرليکده موباريزه آپارماغا دعوت ائديريک. بيزيم اورتاق تمللريميز

گيريش:

آ: باخميياراق کی بير عصره ياخيندير کی خالقين حاکيميتی يولوندا، اؤلکهده دئموکراسينين برپا اولماسی و قورومساللاشماسی، آزاد، معاصر بير ايران ياراتماق ، آزادليق و سوسيال عدالتين ياراديليماسی ، ميللی و دينی آزادليقلار اوجون موباريزه گئديبدير، ايران هلهده زولوم و اوتوکراتيک حاکميتلرين اسيریدير. اينسانلار سياسی، سوسيال، سينفی، حقوقی و سوسيال تهلوکسيزليين اساس حقوقلاريندان محرومدورلار. اؤلکه اهالیسينين ياریسی اولان قادينلارا قارشی آيری -سئچکیليک ايران ايسلام جومهوريتينين رسمی سياستیدير. موخاليفت، ضياليلار، يازیچيلار، صنعتچيلر، عاليملر، گنجلر و طلبهلر حکومت طرفيندن تهديد و تزيقه مروز قالما تهلوکهسی ايله قارشی قارشيياديرلار. فهلهلر، معلملر، عاليملر و اؤلکهنين ديگر مادی و معنوی سروت ايستئحسالچيلاری اينسانا ياراشان بير ياشام و اجتماعی لياقتينی ياشاماق اوچون لازيم اولان ايمکانلاردان محرومدورلار و عينی زاماندا بير سئنديکات
و موستقيل بير تشکيلات ياراتماق حقوقونا ماليک دئييرلر. ايران ميللتلرينه قارشی آيری-سئچکیليک و ظولوم ان شدتلی شکيلده داوام ائدير. ايران ايسلام
جومهوريتی شدت و شدت واسطهسيله ميللی و ائتنيک حقوق طلبلرينه جاواب وئرمهيه داوام ائدير. ايسلام جومهوريتينين کونستيتوسياسی و اوراداکی حاکميت قورولوشو آيری-سئچکیليک، دين و دؤولت بوتؤولويو، آزادليق و معاصرليک دوشمنليينه اساس سببلردير.ايران ايسلام جومهوريتينده اينسانلار اؤز سووئرنلييندن محروم و اينسان حقوقلاری دايما شدتله تاپتالانماقدادير.
ايران ايسلام جومهوروسونون رژیمی بوتؤولوکده اصلاح ائديله بيلمز، و بو چرچيوهده ايران اهالی سينين دئموکراتيک طلبلريندن هئچ بيری حياتا کئچيريله بيلمز. بونا گؤرهده، ايران ايسلام جومهوريتينين رئژيمينين دئوريلمهسی بوتون محکمه، قانونوئريجیليک و ايجرا اورقانلارينين )سياسی، حربی، تهلوکهسيزليک و س.( لغو ائديلمهسی، ايران ايسلام جومهوريتينين کونستيتوسياسينين لغو ائديلمهسی و ديگر غير -دئموکراتيک قانونلارين آرادان قالديريلماسی ، بير دئموکراتيک، دين و دؤولت آيریليغی و اينسان حقوقلارينا اساسلانان سيستئمين ياراديلماسی اوچون اساس شرطدير.

ب: ايسلام جومهوریسينه قارشی موباريزه اونون قورولدوغو گوندن بری هميشه داوام ائتميشدير. آزادليق و سوسيال عدالت موباريزلری اون مينلرله مدافعهچیسی غدار حاکميته قارشی موباريزهده سون قيرخ ايل عرضينده حياتارينی قوربان وئرميشديرلر. ۴٠ ايلدير کی اينسانلار موختليف واسطهلر ايله ناراضی ليغينی بيلديريب و حکومتين رئپرئسسيو سياستينه باخماياراق بعضا کوچهيه چيخيبلار کی حکومتين غير-دئموکراتيک، عدالتسيز و آيری-سئچکیليک سياستينده نيفرتلرينی و موخاليفتلرينی ايفاده ائتسينلر. اونلارين سون نومونهسی سون آيلاردا، خصوصاً کئچهن پاييزدا سون تعطيل لر و اعتراضلارلا گئدن موختليف حرکتلردير. بو اعتراضلارين نتيجهسی اولاراق ايسلام جومهوريتينين سيماسی داها آيدين اوزه چخيب و بو مقاومت و خالقين اعتراضلاری دئموکراسينی الده اولونماسی اوچون ميللی و بئينلخالق بيرلييه تأثير گؤسترميشدير.

ج: سون ۴٠ ايل عرضينده ليبئراللار و سولچولار، دئموکراتلار و جومهوريتچی قوهلر ايسلام جومهوریسينين حکومتينه قارشی موختليف پلان و اصوللار اساسيندا موباريزه آپارميشلار. آما تجروبه گؤستردی کی، بو قوهلرين بيرليکده حرکتی اولمادان، اونلارين سياسی اينکيشافی، جومهوريت و دئموکراتيک آلتئرناتيوينين فورمالاشماسينا تأثير ائتمک چتين اولاجاقدير. بو گون حرکتين ايرليلهمهسی اوچون ايشبيرليينين واجيبليگی و بو قوهلرين حرکت بيرليگی اولجهدن داها چوخ حياتی بير حالا گلميشدير. بيز، بو آنلاشمانين ايمضالايان تشکيلاتلار و پارتييالار، موختليف پروقرام، اجتماعی پئرسپئکتيولر و موختليف سياسی منشألردن اولاراق، دئموکراتيک جومهوريتچيللر اتفاقينين قورولماسينين واجيبليينی، اينسان حقوقلاری عموم دونيا بياننامهسينه و اونون علاوهلرينه اساسهن ايراندا دئموکراسی، تولئرانتليق، پلوراليزم، دين و دؤولت فونکسييالارينی بير بيردن آيريلماغی، آيری -سئچکیليکیلييه قارشی دورماق و بوتون ايسپئکتئرلرين برابر حقوقدا ياشاماقلارينين و دئموکراتيک سياسی تئندئنسييالارين مؤوجودلوغو کيمی ديرلره اساسلانان بير دئموکراتيک جومهوريت قوروجولوغو هدفينه باغليييق. بيز کی ايران اهالیسينين اعتراض حرکاتينی، کی موختليف صينيفلر و ايجتيمايی قروپلار و توپلومون آزادليق سئور گوجلريديرلر، گئنيشلهنمهسی و درينلشديرمهسينه داوام ائتمهسی يولوندا موباريزه ائديريک. مدهنی، دئموکراتيک و سيويل موباريزهسينی وورغولاييريق کی اعتراض حرکاتينين اساس کاراکتئریدير. بيز ايرانين جومهوريتچيلرينين بيرلشديرمک اوچون بو آنلاشمانی بير واجيب آلتديم کيمی دوشونوروک.

اورتاق پيلانيميز:

١. دين و دؤولتين آيريلماسينا اساسلانان بير پارلامئنتر جومهوريت شکلينده دئموکراتيک بيرليين قورولماسی ، قوهلرين آيريلماسی و سياسی پولوراليزمين يارانماسی، دؤولتين بوتون قوروملارينين بيرباشا خالق طرفيندن سئچيلمهسی، سياسی گوجون حاکميتده دييشديريلمهسی پرينسيپينی قبول ائتمک. بو
پرينسيپی وورغولاييريق کی، خالقين سسوئرمهسی حاکميتين يئقانه قايناغی و سووئرئنليين حقوقیدير.

٢. ايران، فارسلار، تورکلر، کوردلر، عربلر، بلوچلار، تورکمهنلر و ديگر لينقويستيک گروپلار و دينی و مدهنی آزلينليقلارين بير يئرده ياشانماسی نتيجهسينده يارانميش بير اؤلکهدير. ايران خالقلارينين ثابت بير اتفاقدا اولماسی اوچون واجيبدير کی: بيرينجیسی، بو خالقلارين هؤويتی يا ميللی
کيمليکلری و ميللی -دئموکراتيک حقوقلاری اونلارين اؤز موقددراتينی تعيين ائتمک حقوقونا ماليک اولماسينی رسميته تانينسين. ايکينجیسی، ايرانين سياسی ايستروکتوروندا حاکميتين و گوجون اينديکی مرکزلشديرمه سيستئمی اؤز يئرينی مرکزسيزلشديرمه و گوجون بؤلوشدورمه مؤوقئيينه دييشديريلسين. بيز ايران وطنداشلارينين آزاد بيرليينی بير سياسی و اينزيبتی فئدئرال سيستئمده ايستييريک.

٣. دين و دؤولتين آيريلماسی و فيکير آزادليغينين تعمين ائديلمهسی، دين و مسلک آزادليغينين تعمين ائديلمهسی.

۴. خالقين سياسی آزادليقلارينی، دئموکراتيک و وطنداش حقوقلارينی تعمين ائتمک، دوشونجه و ايفاده آزادليغی، مطبوعات و اينفورماسييا، گئييم و حيات طرزی، سياسی پارتييالار، توپلاشماق آزادليغی، نوماييشلر، اعتراضلار، همکارلار اتفاقلاريين ايزينلی اولماسی.

۵. گئندئر، دينی، ائتنيک، ميللی، ديل و پئشه منسوبيتيندن آسیلی اولماياراق وطنداشلارا برابر حقوقلارين وئريلمهسی.

۶. ”ب م ت“ اينسان حقوقلارينين عمومی بياننامهسينده و اونون کونوئنسييالاريندا گؤستريلهن حقوق و آزادليقلارين عهدهليگی و تعمين اولونماسی.

٧. اؤلوم جزاسينين لغوی و اينسان لياقتينی و اينسان کرامتينی لکهلين هر جزانين قالديريلماسی.

٨. قادينلارين برابر حوقوقلوغو، گئندئر آيری -سئچکیليگی حاقدا بوتون قادين حاقلارينا قارشی قانونلارين قالديريلماسی و بو حاقدا کونوئنسييانين موددعالارينين تام شکيلده تطبيق ائديلمهسی و فردی، عائله، سوسيال و سوسيال حياتين بوتون ساحهلرينده قادينلارين ايستعداد و باجاريقلارينين اينکيشافی اوچون لازیمی ايمکانلارين تعمين ائديلمهسی اوچون حقوقی تأميناتلارين وئريلمهسی.

٩. اؤلکهده دئموکراتييانين اساسلارينی گوجلهنديرمک و اونون ترکيب حيسهلری اولان ميللتلرين تاريخ اً اوزون زامان بير يئرده ياشاماسينين دوامينی تعمين ائتمک اوچون ايران ميللتلرينين برابر حقوقلاری بير واحيد، دئموکراتيک و مرکزسيزلشديريلميش بير سيستئمده ميللی، سياسی، سوسيال، سينفی حاقلاری و تزمين و تعمين اولونمالیدير.

٠ . منزيل، سهييه، تحصيل، ايش ، مدنيت و سوسيال تأميناتا چيخيش ايمکانلاری اوچون هر وطنداشا برابر ايمکانلارين تأمين ائديلمهسی.

١١ . ايرانين بوتون اؤلکهلرله قارشیليقلی حؤرمت اساسيندا سياسی علاقهلرينين قورولماسی، ايران اهالیسينين سووئرئنليگی پرينسيپينين قبول ائديلمهسی، ميللی ماراقلارين و دونيا سولحونون قورونماسی اساس آلينمالی. ايران وطنداشلارينين موقددراتی و اونلارين آلتئرناتيولرينی معين ائتمک حاقلاری ايله باغلی مسئلهلرده، خاريجی قوهلرين ايشتيراکی ايله تعمين اولماسينا بيز راضی لاشميريق.

١٢ . ايران اهالیسينين دئموکراتييا و آزادليق موباريزهسی ايله هم رایليک ايچينده ايراندا اينسان حقوقلارينين پوزولماسينا اعتراض ائتمک اوچون و ايران ايسلام جومهوريتينين تضييق گؤسترمک اوچون ايجتيمايتين دقتينين جلب ائديلمهسی و بئينلخالق تشکيلاتلارين ايران اهالیسينين موباريزهلريندن حمايهسينين دستکلهنمهسی.

١٣ . فوندامئنتاليزم، شدت و تئرروريزمله موخاليفت.

۴ . بيز حکومتين زوراکیليغينا قارشی مدافعه حاقی و اقتصادی و سياسی طلبلری ايستهمک اوچون مدهنی نومايشلر، جمعيتلرين اوتورما ايلهملری، تعطيل لرين، يوروشلرين و موباريزهنين موختليف فورمالارينين کئچيريلمهسينی وطنداشلارين اساس حقوقلاريندان بيليريک.

ايران کوردوستانينين کومهله پارتيياسی
بلوچيستان خالق پارتيياسی
ايران فداييلرينين بيرليگی تشکيلاتی
ايران سولچو سوسياليستلرينين مووققت شوراسی
کوردوستان زحمتکش لرينين کومهلهسی
آذربايجان دئموکراتيک بيرليگی – بيرليک
ايران جومهوريتچيلئرينين لايک و دئموکراتيک حرکاتی
اهواز تضامن دئموکرات پارتيياسی
ايران کوردوستانين دئموکرات پارتيياسی
کوردوستان دئموکرات پارتيياسی

١۶ نويامبئر ٢٠١٨